شهر 12
هاد البوست لناس كتار تنطبق عليهم الشروط التالية:
1. من زمان كتيييييير ما شفتهم ولا حكينا
2. بيخطروا ببالي دايما وبتذكر مواقف معاهم
3. ببتسم لما يجوا عبالي
4. ببادلوني نفس الأحاسيس والمشاعير
Guess what I got from Jerusalem this morning !!
Thank you 3amo Fawziiiii
جرعات كآبة في كل زاوية فيك يا #غزة
السؤال اللي بيدور بذهني من وين عم بجيبوا الفستق الحلبي للحلويات ازا حلب وضعها كرب؟!
#سؤال_مصيري
اللهم يسر لي الخير حيث كنت وحيث توجهت..اللهم سخر لي الأرزاق والفتوحات في كل وقت وساعة ويسر علي كل صعب وهون علي كل عسير واحفظني بما ينزل من السماء ومايخرج منها ومايرى عليها ياكريم
بيقلك أطلقوا حمامة الحماس .. هو الواحد من كتر ما تحمس تقريباً طق
لو الناس بيكونوا واضحين مع حالهم راح يكونوا واضحين مع أي حدا بيتعاملوا معه وتقريبا كل مشاكله بتنحل
بس لو!
If people try to be honest with themselves first, they will be honest with anyone else and all their problems will be over!
Only if!
السنة الماضية متل هاد الوقت كانت أقوى تلجة من سنيييين وكانت أحلى ذكريات من سنيييين وحظي كان كتيييير حلو اني كنت بأحلى مكان بالعالم .. بالبلدة القديمة بالقدس اللي زكرتني بأعز مكان على قلبي. . الشام والمخيم وأهل الشام#القدس #سورية بحبكو
رغم قرف الشعب من كل الفصائل إلا انه النسبة الكبرى من الشعب مؤطرة لسبب بسيط. . الاستفادة ( اسفة )
واللي قسم القدس شرقي وغربي ما بيفرق الأحباب
وفكوا الحواجز تنشوف حبابنا
سوريا او فلسطين ما بتفرق
احنا والسوريين واحد
في حد تكون أحلامه قصاده ما يلمسهاش
الكلاب تنبح والقافلة تسير. ...
"اللهم لا تؤاخذنا بما فعل السفهاء منا"
بمناسبة الحديث عن اللغة العربية
شكراً جزيلاً للبلد اللي علمتني اللغة العربية وطلعتني قوية فيهاشكراً ل #سورية البلد اللي اللغة العربية ما ماتت فيه بل خلقت من جديد
شو رأيكم نحيي ليلة الميلاد عالمعابر السنة؟ نحط شجرة عند معبر رفح وشجرة عند معبر ايريز ونضويهن ونعيد؟!
راما :
شخصية عندها اصرار على ماتريد فالهمة العالية من سماتها وقوة الشخصية من صفاتها يصل الأمر معها الى التصلب بالرأي
فأنت تتصفين بالإصرار على ما تريدين تحقيقه وتؤمنين بالحرية المطلقة لديك طبيعة التمرد والخصومة لشخصيتك القوية التي لا تنقاد بسهولة لأحد أنت شخصية لديك قوة عزم وإرادة ومقدامة تحبين أمور الاختراعات وتشعرين بمن يلهمك كما وتحبين الأشياء التي تفرق عن غيرها فأنت تحبين التميز عن الغير
I'm not sure if this year was really great, but I'm pretty sure we all grew up. I met new people, had new friendships and shared lots of tears and laughs. Love you all
ما بعرف ازا كانت سنة حلوة ولا لأ بس بعرف انه كلنا كبرنا بهالسنة. تعرفت عناس كتير وصار لي أصدقاء جداد شاركتهم الدمعات والضحكات. بحبكم كتير
من أول هالسنة ما مرق اجازة اسبوعية ولا سنوية إلا تصير مصايب وننزل نشتغل
رجااااء حار خلوا هالاجازة تكون سعيدة بالله عليكم بالله عليكم بدنا نشحن يا جماعة الخير مش طبيعي هيك!
ميلاد مجيد
كل ما أتمنى أن يتحقق فعلاً هو "على الأرض السلام وفي الناس المسرة"#غزة #سوريا
Merry Christmas dear all friends around the world
#Gaza #
بينما كنت أحدثها نتبادل الضحكات والسخرية من كل ما هو حولنا. توالت أصوات في الخلفية.. لم تكن أصوات لموسيقى هادئة بل كانت انفجارات وضربات.. أصوات غريبة عن روحي وعن روحها..تقول لي هذه تهنئات عيد الميلاد المجيد.. نتجاهل الأصوات ونكمل حديثا كنا قد بدأناه عن زباراتي لها في عالم آخر مخصص بدرجة أكبر للبشر..عن محادثة صباحية مع دمشق #مخيم_اليرموك #سوريا #سورية
كنت عم بحكي مع المخيم وقت ما صار هيك!!
ميلاد مجيد يا يرموك
I was on the phone with Yarmouk Camp when this happened!
Merry Christmas Yarmouk#مخيم_اليرموك #سورية #YarmoukCamp #Syria#MerryChristmas2014
انا ما بدي أتذكر لا الحرب الأولى ولا التانية ولا التالتة .. اللي بده يتزكر ما يفرجيني
وشكراً لتعاونكم معنا
بمناسبة خبر عودة جدول ال6 ساعات
انا كمواطن مستعدة ادفع حق وقود المحطة مقابل يوصلني كشف كيف انصرفت كل نقطة وقود بالثانية
ماشي؟#بدنا_نعيش
وبعدين في هالبلد؟!
كيف بدك يكون المواطن عنده ولاء وانتماء لبلد مش ماخد فيها أبسط الحقوق؟
حتى نظام 12/6 مش ماشيين عليه
هﻷ أجت الكهرباء بعد انقطاع دام لمدة 14 ساعة
حسبي الله ونعم الوكيل#كهربا_غزة
كله بيتآمر علينا:
"ويشير محضر الاجتماع، إلى ضرورة البحث عن بدائل لعشرات آلاف الفلسطينيين النازحين من المخيمات الثلاثة الذين فروا من بيوتهم جراء الحرب الدائرة هناك.
وكشف أن ذلك من خلال خيارين اثنين كانا مطروحين على طاولة هذا الاجتماع، الأول يتحدث عن الفلسطينيين الذين فروا إلى خارج سوريا، وكان التوافق على عدم السماح بعودتهم مرة أخرى عبر توطينهم شمال الأردن ضمن مخيم في قضاء "الأزرق".
بينما يتناول الخيار الثاني معالجة قضية الفلسطينييين من أبناء المخيمات الثلاثة (اليرموك، السبينة، الحسينية)، وكان الحديث بعدم السماح بعودتهم مجددا في المستقبل إلى هذه المناطق، فيما كانت أحد الطروحات بناء موطن بديل لهم في جنوب محافظة "ريف دمشق"، ضمن منطقة صحراوية غير مأهولة تقع شرقي مدينة "الكسوة" لم تذكر بعينها."
أجت وحدة ونص قطعت عال3 اجت عال6 قطعت 7 الا ربع
وبهيك بيكونوا خلصوا ال6 ساعات
شكرا يا تشلاب#كهرباء_غزة
للمهتمين بموضوع مخيم اليرموك ومخيم فلسطين
هاد الفيديو مهم كتير احضروه للآخر وشاركوه
تعليقي:
شكراً لكل فصيل وكل فرد وكل جماعة ساهمت بتشريد أهلنا من المخيم وتدمير عاصمة الشتات وأكبر تجمع للفلسطينيين اللاجئين
شكراً للي خطط وعم بيطبق خطة تهجير الفلسطينيين مرة تانية وتالتة ورابعة
شكراً لكل واحد ساعد بإفراغ المخيم من أهله تاركين وراهن شقا عمر وذكريات وحياة كاملة
شكراً لكل واحد خلى الفلسطينيين ينحقد عليهن بسوريا بعد ما كانوا ما بيتفرقوا عن السوريين
شكراً لمن ساعد بتسليح هالجماعات والكتائب اللي مو معروفة قرعة ابوها من وين
شكراً لكل اللي ساعدوا إسرائيل واللي ساعدوا أمريكا
شكراً للي خلى الناس تطلع والاكيد انه حسب الخطط ما رح يقدروا يرجعوا بحياتهن عسوريا
شكراً عالخراب وعالوجع وعالقهر اللي زرعتوه بقلوبنا
شكراً على النكبات المتتالية اللي بيهديها هالعالم لإلنا وين ما كنا
شكراً لمن استخدم كلمة الله لينشر القتل والدمار والخراب
والله بريء منكم
والله بريء منكم
والله بريء منكم#مخيم_اليرموك #مخيم_فلسطين
#سوريا #سورية #دمشق #فلسطين
كان عمري سنتين لما توفى جدي أبو طارق.. ما بتزكر كتير أشياء بس بتزكر اني كنت احب اقعد جمبه عالتخت وأمسك أدنه بتزكر أرض الديار والشجرات
هاد الفيديو مهم كتير احضروه للآخر وشاركوه
تعليقي:
شكراً لكل فصيل وكل فرد وكل جماعة ساهمت بتشريد أهلنا من المخيم وتدمير عاصمة الشتات وأكبر تجمع للفلسطينيين اللاجئين
شكراً للي خطط وعم بيطبق خطة تهجير الفلسطينيين مرة تانية وتالتة ورابعة
شكراً لكل واحد ساعد بإفراغ المخيم من أهله تاركين وراهن شقا عمر وذكريات وحياة كاملة
شكراً لكل واحد خلى الفلسطينيين ينحقد عليهن بسوريا بعد ما كانوا ما بيتفرقوا عن السوريين
شكراً لمن ساعد بتسليح هالجماعات والكتائب اللي مو معروفة قرعة ابوها من وين
شكراً لكل اللي ساعدوا إسرائيل واللي ساعدوا أمريكا
شكراً للي خلى الناس تطلع والاكيد انه حسب الخطط ما رح يقدروا يرجعوا بحياتهن عسوريا
شكراً عالخراب وعالوجع وعالقهر اللي زرعتوه بقلوبنا
شكراً على النكبات المتتالية اللي بيهديها هالعالم لإلنا وين ما كنا
شكراً لمن استخدم كلمة الله لينشر القتل والدمار والخراب
والله بريء منكم
والله بريء منكم
والله بريء منكم#مخيم_اليرموك #مخيم_فلسطين
#سوريا #سورية #دمشق #فلسطين
كان عمري سنتين لما توفى جدي أبو طارق.. ما بتزكر كتير أشياء بس بتزكر اني كنت احب اقعد جمبه عالتخت وأمسك أدنه بتزكر أرض الديار والشجرات
الله يرحم ترابك يا جدي .. السنة ما في مين يزورك شو تغيرت الدنيا من لما كنت سنتين...
هاي كانت امنيتي لل2013 بس مرقوا سنتين وما تغير شي
كل شي عم بيزيد سوء
فرجك يا الله
فرجك يا الله
في ال2013 بدي تنحل قصة الفلسطينيين بسوريا ويكفوا الجهتين بلاهم عن الفلسطينية هناك
بال2015 ما بدي أتمنى شي .. بيكفي تتحقق الأماني اللي تمنيتها من سنين
وال2014 كانت سنة سيئة الذكر على كل الأصعدة لكنها وضعتني أمام تحديات كتيرة خلتني أعرف حالي أكترشكراً 2014 وان شاء الله ما بشوف خلقتك مرة تانية
وكل عام وانتم بألف خير أصدقائي وأهلي واحبابي
The man is the person who is proud of you all the time; who listens to and respects your opinions and thoughts
if your person wasn't this man, don't marry him
Advice of the year
Advice of the year
لا بد من مساحة أو مسافة من الفراغ ما بين 31 ديسمبر و 1 يناير
أحتاج أن ألقي الكثير عن كاهلي قبل أن أدخل لعام جديد
أريد أن أدخل العام الجديد بطاقة كاملة لكن لم أتمكن من شحذ طاقتي بعد
فهلا تمهلت أيتها السنة الجديدة؟!
#2015
اللي لسه متفائل بال2015 يحضر التوقعات اللي على التلفزيون
الله يجييييرنا وبس!
ليست هناك تعليقات:
إرسال تعليق